வவுனியாவிலுள்ள றகமா நிறுவனத்தின் ஏற்பாட்டில் ‘யாழ்ப்பாணத்தில் விற்பனைக்கு வந்துவிட்ட தங்கத்திரவம்’ திரையிடப்பட்டது.

யாழ்ப்பாணத்தின் குடிநீர்ப் பிரச்சினையை பேசுபொருளாகக் கொண்டு எழுநாவால் தயாரித்து வெளியிடப்பட்ட ‘யாழ்ப்பாணத்தில் விற்பனைக்கு வந்துவிட்ட தங்கத்திரவம்’  எனும் தலைப்பிலான ஆவணப்படம்  கடந்த சனிக்கிழமை, 19.10.2024 அன்று  பிற்பகல் 12.30 மணிக்கு,   வவுனியாவிலுள்ள அரசசார்பற்ற நிறுவனமான றகமாவில்  திரையிடப்பட்டது. இந்நிகழ்வில் குறித்த நிறுவனத்தில் பணியாற்றுகின்ற ஊழியர்கள் பங்குபற்றியிருந்தமை குறிப்பிடத்தக்கது.

உள்ளூர் நீர் மூலங்களின் முக்கியத்துவம், அவற்றிற்கு ஏற்பட்டுள்ள அச்சுறுத்தல், அவற்றைப் பாதுகாப்பதில் அரசாங்கத்திற்கும் அதிகாரிகளுக்கும் மக்களுக்கும் உள்ள கடப்பாடு முதலியவற்றை குறித்த ஆவணப்படத்தினூடாக சமூகத்தின் மத்தியில் கொண்டு செல்லும் நோக்கில் இத் திரையிடல் நிகழ்வு ஏற்பாடு செய்யப்பட்டது.